"Реал" ва Бразилия терма жамоасининг афсонавий собиқ ҳимоячиси Марсело футбол оламидаги кумирини айтди. У яна бир бразилиялик афсона - Роберто Карлосни ажратиб кўрсатди.

"Мен Роберто Карлос билан ҳеч қачон позиция учун рақобатлашмаганман, чунки у ёнимда бўлганида, у билан рақобатлашишни хоҳламаганман: шунчаки унинг қандай машқ қилиши ва ўйнашини томоша қилганман. Мен учун шунинг ўзи етарли эди. У менга ҳамма нарсада катта ёрдам берди. Уни кўрганимда ва у билан суҳбатлашганимда ҳамон асабийлашаман ва хавотирланаман. У нима учунлигини тушунмайди, лекин бу ҳақиқат. У менга майдонда ҳам, унинг ташқарисида ҳам катта ёрдам берди. Кўплаб афсоналар билан ўйнаш бахтига муяссар бўлдим. Роберто Карлос эса менинг кумирим", - дея Марсело сўзларини келтиради АS.