"Real" va Braziliya terma jamoasining afsonaviy sobiq himoyachisi Marselo futbol olamidagi kumirini aytdi. U yana bir braziliyalik afsona - Roberto Karlosni ajratib ko‘rsatdi.

"Men Roberto Karlos bilan hech qachon pozisiya uchun raqobatlashmaganman, chunki u yonimda bo‘lganida, u bilan raqobatlashishni xohlamaganman: shunchaki uning qanday mashq qilishi va o‘ynashini tomosha qilganman. Men uchun shuning o‘zi yetarli edi. U menga hamma narsada katta yordam berdi. Uni ko‘rganimda va u bilan suhbatlashganimda hamon asabiylashaman va xavotirlanaman. U nima uchunligini tushunmaydi, lekin bu haqiqat. U menga maydonda ham, uning tashqarisida ham katta yordam berdi. Ko‘plab afsonalar bilan o‘ynash baxtiga muyassar bo‘ldim. Roberto Karlos esa mening kumirim", - deya Marselo so‘zlarini keltiradi AS.