Винисиус Жуниор ва Хаби Алонсо ўртасидаги муносабатларда энди кескинлик йўқ. Бу ҳақда AS нашрининг жума куни чоп этилган материалида сўз боради.
"Реал"нинг сўнгги учта ўйинида Винисиус Килиан Мбаппе билан жуфтликда иккинчи ҳужумчи бўлган. Бу позиция бразилиялик футболчидан баъзи ҳимоявий функцияларни олиб ташлади ва унга ўзини кўпроқ эркин ҳис қилиш имконини бермоқда.
"Винисиус яна ўз футболи тизимга жуда мос келишини ҳис қилмоқда," - дейилади материалда.
Винисиус ва Хаби Алонсонинг Бильбаодаги самимий қучоқлашишлари мураббий ва футболчи ўртасида ҳаммаси жойида эканини тасдиқлайди, холос.
Энди "Реал" Винисиус билан шартномани узайтириш бўйича келишиб олиши осонроқ бўлади. Амалдаги шартнома 2027 йилнинг ярмигача мўлжалланган.
