Ҳужумчи Килиан Мбаппе яна бир бор "Реал"нинг ой якунлари бўйича энг яхши футболчиси бўлди.
Франция терма жамоасининг 26 ёшли форварди мухлислар томонидан ноябрь ойининг совриндорига берилган овозларда Тибо Куртуа, Эдер Милитао, Винисиус Жуниор ва октябрь ойининг энг яхши деб топилган Арда Гюлерни ортда қолдирди.
Ўтган ойда Мбаппе "Реал" сафида 6 та ўйинда майдонга тушиб, 7 та гол урди ва 1 та голли узатмани амалга оширди. Француз Чемпионлар лигасида "Олимпиакос"га қарши ўйинда покер қайд этди (4:3).
Эслатиб ўтамиз, Килиан август ва сентябрь ойлари якунларига кўра "Мадрид"нинг энг яхши футболчиси совринини қўлга киритган эди.
