"Барселона" ўз ижтимоий тармоқларида Ламин Ямал ноябрь ойи якунларига кўра Ла Лиганинг энг яхши футболчиси деб топилганини эълон қилди.
Ўтган ойда "кўк-анорранглилар" Испания чемпионатида тўртта ўйин ўтказиб, уларнинг барчасида ғалаба қозонганида, ёш вингер жамоанинг ўйинига катта ҳисса қўшди. Ямал бу учрашувларда 3 та гол ва 3 та ассистни ўз ҳисобига ёздириб қўйди ва "Барселона"нинг ноябрь ойидаги энг самарали футболчисига айланди.
Жорий мавсумда футболчи барча мусобақаларда жами 15 та ўйинда майдонга тушиб, "гол+пас" тизимида 7+7 балл тўплади.
