"Barselona" o‘z ijtimoiy tarmoqlarida Lamin Yamal noyabr oyi yakunlariga ko‘ra La Liganing eng yaxshi futbolchisi deb topilganini e’lon qildi.
O‘tgan oyda "ko‘k-anorranglilar" Ispaniya chempionatida to‘rtta o‘yin o‘tkazib, ularning barchasida g‘alaba qozonganida, yosh vinger jamoaning o‘yiniga katta hissa qo‘shdi. Yamal bu uchrashuvlarda 3 ta gol va 3 ta assistni o‘z hisobiga yozdirib qo‘ydi va "Barselona"ning noyabr oyidagi eng samarali futbolchisiga aylandi.
Joriy mavsumda futbolchi barcha musobaqalarda jami 15 ta o‘yinda maydonga tushib, "gol+pas" tizimida 7+7 ball to‘pladi.
