АҚШ президенти Дональд Трамп ЖЧ-2026 қуръа ташлаш маросимида Америка футболининг номини ўзгартириш кераклигини айтди.
АҚШ 2026 йилда футбол бўйича жаҳон чемпионатига мезбонлик қиладиган давлатлардан бирига айланади. Шунингдек, турнир Мексика ва Канада ҳудудида бўлиб ўтади.
"Менимча, биз бу спортни соккер деб атаймиз, чунки бизда футбол деб аталадиган бошқа спорт тури билан кичик зиддият бор. Лекин ўйлаб қаралса, ҳақиқий футбол дегани айнан соккер бўлиши керак эмасми? Эҳтимол, биз NFL учун бошқа ном ўйлаб топишимиз керак," - дея Трампнинг сўзларини келтиради ФИФА матбуот хизмати.
Жаҳон чемпионати-2026 қуръа ташлаш маросимида Трампга ФИФА тинчлик мукофоти топширилди. У ушбу мукофотнинг биринчи соҳиби бўлди.
