"ПСЖ" марказий ҳимоячиси Лукас Беральдо қишки трансферлар ойнасида сотилиши мумкин бўлган номзодлардан бири. Жорий мавсум давомида бразилиялик футболчининг кетиши ҳақида бир неча бор хабар берилган эди.
Журналист Экрем Конурнинг янгиланган маълумотига кўра, парижликлар раҳбарияти 22 ёшли футболчини "дахлсиз" деб ҳисобламайди. Беральдонинг хизматларига Бразилиянинг "Фламенго" ва "Палмейрас" клублари қизиқиш билдирмоқда, бироқ марказий ҳимоячининг ўзи ватанига қайтиш иштиёқида ёнмаяпти.
Лукас Беральдонинг трансфер қиймати Transfermarkt экспертлари томонидан 25 млн еврога баҳоланмоқда.
