Италиялик машҳур мураббий Фабио Капелло футбол бўйича жаҳон чемпионати қуръаси натижаларига қисқача изоҳ берди. У 5 декабрь куни кечқурун бўлиб ўтди.
"Умид қиламанки, Италия саралашдан ўтади. Бўлмаса йиғлаб юбораман. Италиясиз учинчи жаҳон чемпионати - бу фалокат.
Ўлим гуруҳи? Норвегия ва Франция ўрин олган гуруҳ" - деди мутахассис.
Италия жаҳон чемпионатига чиқиш учун Шимолий Ирландия билан плей-офф ўйинини ўтказиши, кейин эса Уэльс - Босния ва Герцеговина жуфтлиги ғолибини мағлуб этиши керак. Агар италияликлар муваффақиятга эришса, уларни Канада, Қатар ва Швейцария билан B гуруҳи кутмоқда.
