"Манчестер Сити" бош мураббийи Хосеп Гвардиола ярим ҳимоячи Родрининг даражаси ҳақида гапирди.
29 ёшли футболчи жароҳатлардан мунтазам азият чекишда давом этмоқда. Юлдуз испаниялик ноябрь ойи бошидан бери майдонга тушмаяпти ва "шаҳарликлар" бош мураббийи ҳар бир матбуот анжуманида "Олтин тўп-2024" соҳиби ҳақида саволлар олади.
"Родри - бошқа даража. Биласизми, агар у "Фулхэм" билан ўйин охирида майдонга тушганида нима бўларди? У ҳатто тўпга тегмаса ҳам, ақл бовар қилмайдиган таъсир кўрсатади: ўнта жамоадошнинг барчаси унинг борлигидан ўзларини хавфсиз ҳис қилишади, унинг ёнида ҳар бири яхшироқ ўйнайди. Аммо биз деярли бир ярим йилдан бери усиз ҳаракат қилишимизга тўғри келмоқда," - деди Гвардиола матбуот анжуманида.













