"Ливерпуль" бош мураббийи Арне Слот Премьер-лига доирасидаги "Лидс"га (3:3) қарши ўйиндаги дуранг ҳақида гапирди.

"Ўйлайманки, биз ўйиннинг катта қисмида яхши ўйнадик, 2:0 ҳисобида олдинда эдик. Дарвозамизга пенальти белгиланмагунча ҳеч қандай муаммо бўлмади - ахир ўша эпизодни "Лидс"нинг голли вазияти деб ҳам бўлмайди. Кейин, 2:1, яна бир лаҳзадан сўнг 2:2. Кейин биз олдинга ўтамиз ва гўёки ғалаба қозонамиз, аммо рақибга стандарт ёрдамга келади.

Футболчилар шунчалик кўп ишлашди, аммо яна стандартдан ўтказиб юборишди - мавсумда 10 ёки 11-марта. Бундай хатолар билан жадвалда юқори ўринни эгаллаб бўлмайди," - дейди Слот BBC’га берган интервьюсида.