Аргентиналик ҳужумчи Лионель Месси ўзининг 48-совринини қўлга киритди ва шу тариқа қўлга киритилган жамоавий совринлар сони бўйича жаҳон рекордини янгилади. 2025 йилги MLS кубоги плей-офф финалида унинг жамоаси "Ванкувер Уайткэпс"ни 3:1 ҳисобида мағлуб этиб, Шимолий Америка лигаси чемпионлигини қўлга киритди.
Бу кўрсаткич бўйича иккинчи ўринда Мессининг "Барселона"даги собиқ шериги бразилиялик Дани Алвес (45) турибди.
Месси 2023 йилдан бери "Интер Майами" шарафини ҳимоя қилмоқда. Унинг клуб билан шартномаси 2028 йилгача мўлжалланган. У жорий мавсумда барча мусобақаларда 41 та ўйинда майдонга тушиб, 38 та гол урди ва 23 та голли узатмани амалга оширди.
