Англия терма жамоаси ва "Манчестер Юнайтед"нинг собиқ футболчиси Гари Невилл "Ливерпуль"нинг АПЛ жорий мавсумидаги муваффақиятсиз ўйини ҳақида фикр билдирди.
"Жамоа ҳозир оғир аҳволда. "Ливерпуль"да барқарорлик йўқ. Бу жамоага ишонч қолмади. Ютишни бошлашларини кутасан, аммо футболчилар хато қилишда давом этишади. Слот жамоаси қуламоқда," - дея мутахассиснинг сўзларини келтиради Sky Sports.
Англия чемпионатининг 15-турида мерсисайдликлар сафарда "Лидс"га қарши баҳс олиб борди ва 3:3 ҳисобида дуранг қайд этди. "Ливерпуль" 23 очко билан турнир жадвалида еттинчи ўринда бормоқда.
