"Майнц" ҳафтанинг сўнгги кунида янги мураббий тайинланганини эълон қилди. Жамоани Урс Фишер қабул қилиб олди. 59 ёшли швейцариялик мутахассис 2028 йилнинг ярмигача мўлжалланган меҳнат шартномасини имзолади.
Ҳафта давомида "Майнц" Бо Хенриксен билан хайрлашганди. Шундан сўнг жамоа ўз майдонида Гладбахнинг "Боруссия"сига 0:1 ҳисобида ютқазди.
"Майнц" Германия Бундеслигаси турнир жадвалида 18-ўринда бормоқда. Ортда қолган 13 турда жамоа 6 очко жамғаришга муваффақ бўлди.
"Майнц" навбатдаги ўйинни 11 декабрь куни Конференциялар лигаси доирасида "Лех" меҳмони бўлади.
