Миланнинг "Интер" клуби дарвозабони Янн Зоммернинг келажаги катта савол остида қолмоқда. Бу ҳақда инсайдер Николо Скира хабар бермоқда.

Манбага кўра, айни дамда "Интер" 36 ёшли швейцариялик футболчининг меҳнат шартномаси 2026 йилнинг ёзида якунланишига қарамай, у билан шартномани узайтириш бўйича музокаралар олиб бормаяпти.

Зоммер 2023 йилнинг августидан бери "Интер" шарафини ҳимоя қилмоқда. У бу мавсумда барча мусобақаларда 17та ўйинда майдонга тушиб, 15та гол ўтказиб юборди ва тўққиз марта ўз дарвозасини дахлсиз қолдиришга муваффақ бўлди.

Нуфузли "Transfermarkt" интернет портали маълумотларига кўра, Зоммернинг нархи тўрт миллион еврони ташкил этади.