Мадриднинг "Реал" клуби марказий ҳимоячиси Эдер Милитао "Сельта"га қарши ўйинда жиддий жароҳат олган.
Бразилиялик футболчи 24-дақиқада майдонни тарк этди. Муаммо дарҳол анча жиддий бўлиб кўринган эди ва энди хавотирлар тасдиқланмоқда: Onda CERO нашрининг хабар беришича, футболчи тизза ости пайининг шикастланиши туфайли уч ойга сафдан чиқиши мумкин.
Учрашув Хаби Алонсо жамоасининг 0:2 ҳисобидаги мағлубияти билан якунланди. Ўйин охирида "қаймоқранглилар" тўққиз киши бўлиб қолди - иккинчи бўлимда Фран Гарсия ва Альваро Каррерас четлатилди.
Эдер Милитао жорий мавсумда 16 та ўйинда 1 та гол урди ва 1 та голли узатмани амалга оширди.
