"Сельта" футболчиси Виллиот Сведберг Мадриднинг "Реал" клубига қарши ўйинда гол урди.
21 ёшли ҳужумчи баҳснинг 53-дақиқасида рақиб дарвозасини ишғол қилди ўйин якунида эса дублни расмийлаштирди. Швед Луис Суаресдан кейин "қаймоқранглилар"ни кетма-кет учта Ла Лига ўйинида ранжитган биринчи хорижлик футболчи бўлди. Ўша пайтда "Барселона" шарафини ҳимоя қилган уругвайлик юлдуз 2018 йилда худди шундай серия қайд этганди.
Эътиборлиси, Виллиот Сведберг иккинчи бўлим бошланиши арафасидагина майдонга тушганди.













