Лондоннинг "Арсенал" клуби ҳужумчиси Кай Хаверц жароҳатини даволатгач, жамоанинг асосий форвардига айланиши кутилмоқда.
26 ёшли футболчи мавсум бошидаёқ сафдан чиққан эди. Режага кўра, германиялик футболчи Рождествога қадар майдонга қайтиши мумкин. Daily Mail хабарига кўра, "канонирлар" етакчиси Микель Артета Хаверцни асосий таркибда кўрмоқда. Агар кутилмаган ҳолат юз бермаса, айнан Кай испаниялик мураббийнинг марказий ҳужумчи позициясидаги биринчи танлови бўлади.
Ўтган ёзда "Арсенал" Лиссабоннинг "Спортинг" клубидан Виктор Дьокереш трансфери учун 65 млн евродан кўпроқ тўлаб сотиб олганди, аммо швециялик ҳозирча ўзини унчалик ёрқин кўрсатмаяпти.
