Россиялик дарвозабон Матвей Сафонов қишки трансфер ойнасида "ПСЖ"ни тарк этмайди, деб ёзади Тop Mercato.
Париж клуби жорий мавсумда атиги 1та ўйин ўтказган Сафоновнинг клубни тарк этиши мумкинлиги ҳақидаги миш-мишларни рад этди.
"Кулгили, бу шунчаки спекуляция. У билан беш йиллик шартнома имзолаганимизни унутманг. У келганидан бери жуда кўп қўшди. У "ПСЖ" даражасига мос келишини тасдиқлади", - дейилади клуб хабарида.
Қайд этилишича, 26 ёшли Сафонов ҳам "ПСЖ"ни тарк этиш ҳақида ўйламаяпти.
Россияликнинг агенти бир ой олдин спорт директори Луиш Кампуш билан гаплашган ва дарвозабоннинг кетиши масаласи кўтарилмаган.
