Мадриднинг "Реал" клуби матбуот хизмати Чемпионлар лигаси умумий босқичининг 6-туридан ўрин олган "Манчестер Сити"га қарши ўйин олдидан жамоа ҳимоячиси Эдер Милитао жароҳат олганини маълум қилди.
"Футболчимиз Эдер Милитао Мадриднинг "Реал" клуби тиббий хизмати томонидан текширувдан ўтказилгач, унга чап оёқ сонининг икки бошли мушаги ёрилиши ва проксимал пайининг шикастланиши ташхиси қўйилди. Унинг тикланиши назорат остида бўлади", - дейилади "Реал" расмий сайтидаги матбуот хизмати хабарида.
Жорий мавсумда футболчи клуб сафида барча мусобақаларда 16 та ўйинда майдонга тушиб, 1 та гол урди ва 1 та голли узатмани амалга оширди.
