"Интер" 9 декабрь куни бўлиб ўтадиган Чемпионлар лигаси 6-туридан ўрин олган "Ливерпуль"га қарши ўйинда марказий ҳимоячи Мануэл Аканжидан фойдалана олмаслиги мумкин. Бу ҳақда Sky Sport хабар бермоқда.
Манбага кўра, яқинда швейцариялик футболчида грипп аломатлари аниқланган, шу сабабли у "нерадзуррилар"нинг сўнгги машғулотини ўтказиб юборган. Сешанба куни Аканжи тиббий кўрикдан ўтади, шундан сўнг унинг ўйинда иштирок этиши ҳақида қарор қабул қилинади.
Жорий мавсумда ҳимоячи барча мусобақаларда 17та ўйинда майдонга тушган. Унинг жамоаси 12 очко билан Чемпионлар лигаси турнир жадвалида тўртинчи ўринда бормоқда.
