"Реал" бош мураббийи Хаби Алонсо "Ливерпул"да бош мураббий Арне Слот ва ҳужумчи Муҳаммад Салоҳ ўртасидаги можаро, шунингдек, унинг инглиз клубига тайинланиши мумкинлиги ҳақидаги миш-мишларга изоҳ берди.
"Бу "Ливерпул"да қабул қилинган қарорлар. Шубҳасиз, биз кўп тафсилотларни билмаймиз. Шунинг учун бу ҳақда мен ҳукм чиқармайман.
Англияга мураббий сифатида қайтаманми? Буларни инглиз клублари, собиқ клубим билан муҳокама қилиш керак бўлади. Аммо ҳозир айнан шу ерда бўлишни истайман. Келажакка келсак, нима бўлиши мумкинлигини ҳеч қачон билмайсан", - деди Алонсо матбуот анжуманида.
Алонсо футболчи сифатида 2004 йилдан 2009 йилгача "Ливерпул"да ўйнаган.
