"Ливерпуль" жамоаси бош мураббийи Арне Слот Чемпионлар лигаси доирасидаги "Интер"га қарши ўйинда қайдномага киритилмаган Муҳаммад Салоҳ ҳақида гапирди.
"Қизиллар" "Сан-Сиро"да мисрлик футболчисиз кичик ҳисобда ғалаба қозонди. 33 ёшли ҳужумчи "Лидс"га қарши ўтган ўйиндаги дурангдан кейин шов-шувли интервью берган ва шу туфайли жамоа билан Италияга учмаган эди.
"Сўнгги дақиқаларда "Лидс"дан ўтказиб юборилган голдан кейин ҳаммага жуда оғир бўлди. Салоҳ ўйнамади, лекин бу ҳам унга ёқмади. Жума кунги матбуот анжуманида барча саволлар Салоҳга тааллуқли бўлишини жуда яхши тушунаман. Ҳамма хато қилади. Масала шундаки, футболчининг ўзи ўз хатосини англаб етиши керак", - деди Слот журналистлар билан суҳбатда.
"Ливерпуль" шанба куни Премьер-лига доирасида ўз майдонида "Брайтон"га қарши баҳс олиб боради.
