"Челси" ҳужумчиси Жоао Педро Чемпионлар Лигасида "Аталанта"га қарши ўйинда (1:2) мағлубиятга учрагани ҳақида фикр билдирди.
Учрашувнинг 25-дақиқасида бразилиялик футболчи ҳисобни очди, бироқ бу етарли бўлмади: Жанлука Скамакка ва Шарль де Кетеларенинг 55 ва 83-дақиқалардаги аниқ зарбалари эвазига майдон эгалари устун келди.
"Биринчи бўлимда ўйинни тўлиқ назорат қилдик, иккинчи голни уриш учун кўп имкониятимиз бор эди. Танаффусдан кейин рақибга ўз майдонидаги устунлик ёрдам берди: "Аталанта" босимни оширди ва якунда гол урди. Трибуналарнинг қўллаб-қувватлаши жуда муҳим роль ўйнади. Чемпионлар Лигасида биринчи голдан кейин иккинчи голни ўтказиб юборганда натижага умид қилиш қийин," - деди Педро TNT Sports’га берган интервьюсида.
"Челси" сўнгги 4 ўйинда бирор марта ғалаба қозона олмаган - 2 дуранг ва 2 мағлубият.
