"Барселона" ярим ҳимоячиси Педри Франкфуртнинг "Айнтрахт" клубига (2:1) қарши ўйиндаги камбэк ҳақида гапирди.
Ханс-Дитер Флик жамоаси биринчи бўлимда мағлуб бўлди, аммо танаффусдан кўп ўтмай Жюль Кунденинг дубли эвазига ғалабани илиб кетди.
"Биз уч очкони қўлга киритдик, аммо ўйин оғир кечди. Биринчи бўлимда "Айнтрахт" жуда ихчам ҳаракат қилди. Танаффусда тузатишлар киритишга тўғри келди, улар иш берди. Рақиб охирги чизиқда олти ўйинчи билан ҳимояланди, бу бизни ҳайратда қолдирди. Бундай ҳимояга қарши туриш қийин, лекин биз ечим топишга муваффақ бўлдик. Кунде учун жуда хурсандман - у кўп ишлади, бу голлар унинг фойдасига ишлайди," - дея Педрининг сўзларини келтиради Barca Universal.
Умумий босқичнинг навбатдаги турида "Барселона" Праганинг "Славия" клубига қарши баҳс олиб боради.
