"Реал" бош мураббийи Хаби Алонсога сўнгги натижалар фонида футболчиларидан кўнгли қолганми, деган савол берилди.
"Биз ҳаммамиз биргаликда бу вазиятга тушиб қолдик. Биз барчамиз бир кемадамиз. "Бернабеу"даги мухлислар билан умумий тил топиш учун бизга куч-ғайрат керак. Агар шундай бўлса, "Манчестер Сити"га қарши ўйинда ғалаба қозониш имкониятимиз бўлади," - деди Алонсо матбуот анжуманида.
"Реал" сўнгги еттита учрашувда атиги иккита ғалабани қўлга киритган. Испания чемпионатининг сўнгги турида "Сельта"га қарши мағлубиятга учраган (0:2) Алонсо шогирдлари пешқадам "Барселона"дан тўрт очко орқада қолишмоқда.
