Россия терма жамоаси бош мураббийи лавозимида ишлаган италиялик машҳур мутахассис Фабио Капелло Европа Чемпионлар Лигаси 6-тури доирасида "Ливерпуль"нинг Миланнинг "Интер" клуби устидан қозонган ғалабаси ҳақида фикр билдирди.
"Бу мавсумда "Ливерпуль"нинг бундай ўйинини кўрмаганман. "Қизиллар" менга "ПСЖ"ни эслатди. Шу билан бирга, мағлубиятга қарамай, "Интер"нинг ўйини менга ёқди," - дея Капеллонинг сўзларини келтиради Sky Sport Italia.
Эслатиб ўтамиз, Арне Слот шогирдлари "нерадзуррилар" устидан минимал ҳисобда ғалаба қозонишди - 1:0. 11 метрлик нуқтадан киритилган ягона тўпни ярим ҳимоячи Доминик Собослаи киритди.
