Март ойида Англия терма жамоаси 2026 йилги жаҳон чемпионатига тайёргарлик доирасида иккита ўртоқлик ўйини ўтказади. Англия футбол ассоциацияси чоршанба куни "уч шерлар" 27 март куни Уругвайга қарши, 31 март куни эса Японияга қарши ўйнашини эълон қилди.
Ҳар икки ўйин ҳам "Уэмбли" стадионида бўлиб ўтади. Ҳозирда Англия терма жамоаси ФИФА рейтингида 4-ўринда, Уругвай терма жамоаси 16-ўринда, Япония терма жамоаси эса 18-ўринда бормоқда.
Бу ўйинлар Англия терма жамоаси учун Томас Тухель жаҳон чемпионати учун таркибни эълон қилгунга қадар сўнггиси бўлади.
Эслатиб ўтамиз, Англия терма жамоасининг ЖЧ - 2026 гуруҳ босқичидаги рақиблари Хорватия, Гана ва Панама бўлади.













