Чоршанба куни Англия терма жамоаси март ойида Уругвай ва Японияга қарши ўз майдонида ўртоқлик ўйинлари ўтказиши маълум бўлди. Бу борада "уч шерлар" бош мураббийи Томас Тухель изоҳ берди.
"Биз бу икки ўйин тасдиқлангани учун жуда хурсандмиз. Биз жаҳон рейтингининг энг яхши 20 талигига кирувчи иккита жамоа билан ўйнашни, шунингдек, Европадан ташқаридаги рақибларга қарши ўзимизни синаб кўришни хоҳладик. Жума кунги қуръадан сўнг келаси йилни кутиш янада кучаймоқда," - дея Тухелнинг сўзларини келтиради Англия футбол ассоциацияси сайти.
ЖЧ-2026да Англия терма жамоаси Хорватия, Гана ва Панама билан бир гуруҳда ўйнайди.













