Тошкентда ўтказилган йиғин доирасида 28 июль куни «Динамо» сўнгги назорат учрашувини «Олмалиқ» клубига қарши ўтказди.

Пойтахтимиздаги учинчи назорат ўйинида Равшан Ҳайдаров таркибдаги бир қатор футболчиларни якуний кўрикдан ўтказиб олди. Назорат учрашуви бўлсада анча шиддатли ва курашларга бой ўтган ўйинда муроса кўчаси танланди. Дастлаб, олмалиқликлардан 72-дақиқада Азамат Исроилов ҳисобни очган бўлса, 81-дақиқада «Регистон» жамоасидан жамоамизга келиб қўшилган самарқандлик ёш ҳужумчи Дилшод Жабборов ҳисобдаги фарқни тенглаштирди, 1:1.

Назорат учрашуви. 28 июль (якшанба)
«Динамо» - «Олмалиқ» - 1:1
Голлар: Д.Жабборов, 81 – Азамат Исроилов 72.
«Динамо»: А.Мельничук, А.Холмуродов, А.Бозоров, Э.Маматказин, О.Нурбоев, Э.Магдиев, А.Абдуллаев, С.Сайфиев, С.Шихов, А.Набиев, Т.Мирзаев.
Иккинчи бўлимда майдонга тушганлар: О.Тайлоқов, А.Бобожонов, К.Шарофутдинов, А.Агалиев, Ф.Шотурсунов, Ф.Абдусаломов, Д.Жабборов.

Ҳозирда айрим футболчиларга жавоб бериб юборилган. Хусусан, дастлабки даврада жамоамиз шарафини ҳимоя қилган Александр Клецков, Аҳрол Рисқуллаев ва Владимир Киликевичлар жамоа билан бирга эмас.

Эслатиб ўтамиз, жамоамиз 20 июль кунидан Тошкентда йиғин бошлаб, йиғин доирасида 23 июлда «Пахтакор» (3:0) билан, 25 июлда «Нефтчи» (2:2), 28 июль куни эса сўнгги назорат баҳсида «Олмалиқ»га (1:1) қарши майдонга тушди.

Жамоамиз энди тайёргарликни Самарқандда давом эттириб, 4 август куни 14-тур доирасида «Қизилқум»га қарши майдонга тушади.