Мадриднинг "Реал" клуби ҳужумчиси Родриго "Манчестер Сити"га қарши ўйинда яна гол урди. Кеча бўлиб ўтган Чемпионлар лигаси баҳсида бразилиялик футболчи 28-дақиқада Жанлуижи Доннарумма дарвозасини ишғол этиб, ҳисобни очди. Бу 24 ёшли футболчининг фаолияти давомида "шаҳарликлар" дарвозасига киритган бешинчи голи бўлди - бу бошқа ҳар қандай рақибдан кўпроқ. Ҳужумчининг "севимли" рақиблари рўйхатида иккинчи ўринни "Севилья" эгаллаб турибди - тўртта гол.
Эътиборлиси, "Манчестер Сити"га қарши ўйинга қадар Родриго "қаймоқранглилар" сафида барча мусобақаларда кетма-кет 32та ўйинда гол ура олмаган - бу ҳужумкор футболчилар орасида клуб антирекордидир.
