Мадриднинг "Реал" клуби Чемпионлар Лигаси доирасида ўз майдонида "Манчестер Сити"га имкониятни бой бериб қўйди - 1:2.
"Қаймоқранглилар" дарвозага 16 та зарба йўллади, аммо улардан атиги 1 таси мўлжалга аниқ етиб борди.
Меҳмонлар анча самарали ҳаракат қилишди ва 12 та ҳолатдан саккизтасида аниқ зарба беришди. The Touchline нашрининг қайд этишича, бу "Реал" 2003/04 йилги мавсумдан буён қайд этган энг паст кўрсаткич.
Мадрид гранди сафида ягона голга 28-дақиқада Родриго муаллифлик қилди. "Шаҳарликлар" сафида Нико О'Райли 35 ва Эрлинг Холанд 43-дақиқаларда гол урди.
Сўнгги саккиз ўйинда "Реал" атиги икки марта ғалаба қозониб, уч марта мағлубиятга учраган, яна уч марта дуранг қайд этилган.
