Нуфузли "Goal" портали мутахассислари Чемпионлар лигаси мусобақасининг умумий босқич 6-тур ўйинлари якунлангач, турнир фаворитлари рейтингини янгилади.
Рейтингнинг энг юқори поғонасида "Арсенал" бормоқда, у олти тур давомида очко йўқотмаган ва атиги битта гол ўтказиб юборган. Қизиғи, "канонирлар" ҳали бирор марта Чемпионлар Лигасида ғолиб бўлишмаган ва буни биринчи марта амалга оширишмоқчи.
Иккинчи ўриндан "Бавария" жой олган бўлса, амалдаги соврин соҳиби "ПСЖ" учликни якунлаб берди.
Кейинги ўринларда "Манчестер Сити", "Барселона", "Ливерпуль", "Атлетико", "Аталанта", "Челси" ва "Реал" клублари жой олган.
Кўриб турганингиздек, "Реал" инқироз фонида аллақачон ўнинчи ўринга тушиб кетди.
