"Бавария" яримҳимоячиси Йозуа Киммих Германиядаги футбол тақвими ҳақида гапирди.
"Германиядаги қишки танаффус, албатта, муҳим омил. Мен ўйнашни жуда яхши кўраман ва кўп ўйнайман, лекин қишки танаффус барибир яхши, мен уни интиқлик билан кутаман.
Тиғиз тақвим ҳақида кўп гапиришади, лекин биз немислар бу ҳақда гапирмаймиз. Албатта, олдинда Чемпионлар Лигасида яна иккита ўйин бор, аммо бошқа томондан, сўнгги ўн йил ичида ўйинлар сони кўпаймади.
Бизда лигада бор-йўғи 18та клуб бор, бошқа мамлакатларда бундан ҳам кўпроқ, баъзиларида эса иккинчи кубок мусобақаси ҳам ўтказилади. Шундай экан, Бундеслигада ҳеч ким ўйинлар сони кўплигидан шикоят қилмаслиги керак", - дейди Киммих Sky Sport нашрига берган интервьюсида.
