"Штутгарт" Мадриднинг "Реал" клуби ҳужумчиси Гонсало Гарсияга қизиқиш билдирмоқда, "шваблар" уни ўз жамоаси учун идеал футболчи сифатида кўрмоқда. Бу ҳақда журналист Флориан Плеттенберг Х ижтимоий тармоғидаги саҳифасида маълум қилди.

Манбага кўра, тегишли музокаралар ўтказилган, бироқ немис клубига "қаймоқранглилар" ҳужумчисини қўлга киритиш қийин бўлади. Шу муносабат билан "Штутгарт" бозордаги бошқа вариантларни ўрганишни бошлади.

Жорий мавсумда 21 ёшли Гарсия барча мусобақаларда 14 та ўйинда майдонга тушиб, ўз ҳисобига голли узатма ёздириб қўйди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 15 млн еврони ташкил этади.