"Shtutgart" Madridning "Real" klubi hujumchisi Gonsalo Garsiyaga qiziqish bildirmoqda, "shvablar" uni o‘z jamoasi uchun ideal futbolchi sifatida ko‘rmoqda. Bu haqda jurnalist Florian Plettenberg X ijtimoiy tarmog‘idagi sahifasida ma’lum qildi.

Manbaga ko‘ra, tegishli muzokaralar o‘tkazilgan, biroq nemis klubiga "qaymoqranglilar" hujumchisini qo‘lga kiritish qiyin bo‘ladi. Shu munosabat bilan "Shtutgart" bozordagi boshqa variantlarni o‘rganishni boshladi.

Joriy mavsumda 21 yoshli Garsiya barcha musobaqalarda 14 ta o‘yinda maydonga tushib, o‘z hisobiga golli uzatma yozdirib qo‘ydi. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 15 mln yevroni tashkil etadi.