Эрик Гарсия "Барселона" билан янги шартнома имзолагач, клуб матбуот хизматига интервью берди.
"Мен "Барселона"да узоқ йиллар қолишдан бахтиёрман. "Барса"да муваффақиятга эришиш ва кўплаб совринларни қўлга киритиш орзусида яшайман. Менинг ҳозирги мақсадим - бу ерда бутун умримни ўтказиш.
Мен ҳар доим ўз фазилатларимни билардим. Ҳаётда яхши жамоалар бўлади, шундай жамоалар ҳам бўладики, ҳаммаси кўнгилдагидек бўлмайди, лекин ҳозир ўзимни яхши ҳис қиляпман - ҳам шахсан, ҳам жамоада. Барқарор бўлиш керак. Ишлар ёмон кетаётган бўлса ҳам, хотиржамликни сақлаб, ишлашда давом этиш керак," - деди Гарсия.
"Барселона" Испания Ла Лигасида пешқадамлик қилмоқда ва иккинчи ўриндаги "Реал"ни 4 очкога ортда қолдирмоқда.
