Erik Garsiya "Barselona" bilan yangi shartnoma imzolagach, klub matbuot xizmatiga intervyu berdi.
"Men "Barselona"da uzoq yillar qolishdan baxtiyorman. "Barsa"da muvaffaqiyatga erishish va ko‘plab sovrinlarni qo‘lga kiritish orzusida yashayman. Mening hozirgi maqsadim - bu yerda butun umrimni o‘tkazish.
Men har doim o‘z fazilatlarimni bilardim. Hayotda yaxshi jamoalar bo‘ladi, shunday jamoalar ham bo‘ladiki, hammasi ko‘ngildagidek bo‘lmaydi, lekin hozir o‘zimni yaxshi his qilyapman - ham shaxsan, ham jamoada. Barqaror bo‘lish kerak. Ishlar yomon ketayotgan bo‘lsa ham, xotirjamlikni saqlab, ishlashda davom etish kerak," - dedi Garsiya.
"Barselona" Ispaniya La Ligasida peshqadamlik qilmoqda va ikkinchi o‘rindagi "Real"ni 4 ochkoga ortda qoldirmoqda.
