«Навбаҳор»нинг якунланган мавсумда қайд этган статистик натижалари билан таништиришда давом этамиз.

«Навбаҳор» ортда қолган мавсумда 30 та ўйин ўтказиб, мазкур учрашувларда 10 та ғалаба, 10 та дуранг ва 10 та мағлубиятни қайд этган ҳолда, рақиблар дарвозасига 41 та гол урган ҳолда, ўз дарвозасидан 37 та тўп ўтказиб юборди.

«Навбаҳор» мавсум – 2025 да жами 40 очко тўплаб, 7-ўринни қўлга киритди.

Хўш, жамоанинг Наманган ва сафардаги учрашувларда қандай натижаларни қайд этишди?

«Навбаҳор» якунланган мавсумда ўз майдонида бўлиб ўтган 15 та беллашувдан 7 тасида ғалаба қозониб, 6 та ўйинда дурангга эришиб, 2 та баҳсда имкониятни бой берди (ушбу мағлубиятлар мамлакат чемпионлигини қўлга киритган «Нефтчи» ҳамда якунланган мавсумда 5-ўринни эгаллаган «Бунёдкор» жамоаларига қарши ўтказилган учрашувларда қайд этилганлигини ҳам айтиш жоиз). Намангандаги ўйинларда жамоа рақиблар дарвозасига 23 та гол урган ҳолда, ўз дарвозасидан 7 та тўп олиб чиқди ва 27 очко тўплади.

«Лочинлар» сафардаги 15 та учрашувнинг 3 тасида зафар қучиб, 4 та дуранг ҳамда 8 та мағлубиятни қайд этган ҳолда, рақиблар дарвозасига 18 та гол урган ҳолда, ўз дарвозасидан 30 та тўп олиб чиқишди ва 13 очко жамғаришди.

Юқоридаги маълумотдан кўриниб турибдики, «Навбаҳор» сафардагидан кўра, Намангандаги ўйинларда яхшироқ натижа қайд этган.

«Навбаҳор» ПФК матбуот хизмати.