«Navbahor»ning yakunlangan mavsumda qayd etgan statistik natijalari bilan tanishtirishda davom etamiz.

«Navbahor» ortda qolgan mavsumda 30 ta o‘yin o‘tkazib, mazkur uchrashuvlarda 10 ta g‘alaba, 10 ta durang va 10 ta mag‘lubiyatni qayd etgan holda, raqiblar darvozasiga 41 ta gol urgan holda, o‘z darvozasidan 37 ta to‘p o‘tkazib yubordi.

«Navbahor» mavsum – 2025 da jami 40 ochko to‘plab, 7-o‘rinni qo‘lga kiritdi.

Xo‘sh, jamoaning Namangan va safardagi uchrashuvlarda qanday natijalarni qayd etishdi?

«Navbahor» yakunlangan mavsumda o‘z maydonida bo‘lib o‘tgan 15 ta bellashuvdan 7 tasida g‘alaba qozonib, 6 ta o‘yinda durangga erishib, 2 ta bahsda imkoniyatni boy berdi (ushbu mag‘lubiyatlar mamlakat chempionligini qo‘lga kiritgan «Neftchi» hamda yakunlangan mavsumda 5-o‘rinni egallagan «Bunyodkor» jamoalariga qarshi o‘tkazilgan uchrashuvlarda qayd etilganligini ham aytish joiz). Namangandagi o‘yinlarda jamoa raqiblar darvozasiga 23 ta gol urgan holda, o‘z darvozasidan 7 ta to‘p olib chiqdi va 27 ochko to‘pladi.

«Lochinlar» safardagi 15 ta uchrashuvning 3 tasida zafar quchib, 4 ta durang hamda 8 ta mag‘lubiyatni qayd etgan holda, raqiblar darvozasiga 18 ta gol urgan holda, o‘z darvozasidan 30 ta to‘p olib chiqishdi va 13 ochko jamg‘arishdi.

Yuqoridagi ma’lumotdan ko‘rinib turibdiki, «Navbahor» safardagidan ko‘ra, Namangandagi o‘yinlarda yaxshiroq natija qayd etgan.

«Navbahor» PFK matbuot xizmati.