"Ливерпуль" клуби қанот ҳимоячиси Эндрю Робертсон Чемпионлар Лигасининг 6-турида Миланнинг "Интер" клубига қарши ўйинда (1:0) турнирдаги 63-учрашувини ўтказди. Шу тариқа, фуллбэк Чемпионлар Лигаси даврида шотландиялик футболчилар ўртасида энг кўп ўйин ўтказиш бўйича рекорд ўрнатди. Бу ҳақда инглиз клуби Х ижтимоий тармоғидаги саҳифасида маълум қилди.

Робертсон "Ливерпуль" сафида 2017 йилнинг ёзидан буён тўп суриб келмоқда. Ушбу давр мобайнида ҳимоячи барча мусобақаларда 358 та учрашувда майдонга тушиб, 12 та гол ва 68 та голли узатмани амалга оширди. Transfermarkt порталида келтирилган маълумотларга кўра, футболчининг бозор нархи 12 млн еврони ташкил этади.