"Liverpul" klubi qanot himoyachisi Endryu Robertson Chempionlar Ligasining 6-turida Milanning "Inter" klubiga qarshi o‘yinda (1:0) turnirdagi 63-uchrashuvini o‘tkazdi. Shu tariqa, fullbek Chempionlar Ligasi davrida shotlandiyalik futbolchilar o‘rtasida eng ko‘p o‘yin o‘tkazish bo‘yicha rekord o‘rnatdi. Bu haqda ingliz klubi X ijtimoiy tarmog‘idagi sahifasida ma’lum qildi.

Robertson "Liverpul" safida 2017 yilning yozidan buyon to‘p surib kelmoqda. Ushbu davr mobaynida himoyachi barcha musobaqalarda 358 ta uchrashuvda maydonga tushib, 12 ta gol va 68 ta golli uzatmani amalga oshirdi. Transfermarkt portalida keltirilgan ma’lumotlarga ko‘ra, futbolchining bozor narxi 12 mln yevroni tashkil etadi.