"Барселона" президенти Жоан Лапорта, шунингдек, "кўк-анорранглилар"нинг собиқ бош мураббийлари Луис Энрике ва Эрнесто Вальверде 12 декабрь, жума куни суд олдида гувоҳ сифатида чиқиш қилиб, Негрейра иши бўйича кўрсатма беради. Бу ҳақда Marca хабар бермоқда.
Манбага кўра, суд Энрике ва Вальвердега ҳакамлар техник қўмитаси (CТА) собиқ вице-президенти Хосе Мария Негрейра Каталония клуби учун ҳакамлар бўйича ҳисобот тайёрлагани маълум бўлган ёки йўқлигини аниқлаши керак.
Иккала мураббий ҳам ўз жамоалари бош мураббийи сифатида Барселонага кела олмаётгани учун видеоалоқа орқали баёнот бериши режалаштирилган. Бунда Лапорта шахсан ўзи судга келади.
