"Комо"нинг испаниялик ҳужумчиси Альваро Мората жароҳат олиб, бир неча ойга сафдан чиқди. Бу ҳақда инсайдер Николо Скира хабар бермоқда.
Манбага кўра, 33 ёшли ҳужумчига соннинг яқинлаштирувчи мушакларидан оғир жароҳат ташхиси қўйилган. Футболчи март ойида майдонга қайтиши кутилмоқда.
Жорий мавсумда Мората барча турнирлар билан ҳисоблаганда 15 та учрашувда майдонга тушди ва ўз ҳисобига битта ассист ёздириб қўйди.
Эслатиб ўтамиз, Мората жорий мавсумни "Комо"да ижара асосида ўтказмоқда. Футболчининг шартномаси "Милан"га тегишли.
15 декабрь куни "Комо" Италия чемпионатининг 15-турида сафарда "Рома"га қарши баҳс олиб боради.
