Дортмунднинг "Боруссия" клуби марказий ҳимоячиси Нико Шлоттербекка топ-клублардан қизиқиш бўлмоқда.

26 ёшли футболчига даъвогарлардан бири сифатида бир неча ойдан буён Мадриднинг "Реал" клуби тилга олинмоқда. Яқинда "қаймоқранглилар" оғир жароҳат олган Эдер Милитаони яна узоқ муддатга йўқотишди, шу муносабат билан клуб ҳимоя марказига кучайтирувчи излаш билан янада кўпроқ шуғулланмоқда. Бундан хабар топган "Боруссия" клуби Шлоттербекнинг нархини 60 млн еврогача оширди, деб хабар беради Defensa Central. Футболчининг шартномаси бир ярим йилдан сўнг тугайди, аммо "асаларилар" раҳбарияти шартномани узайтиришга умид қилмоқда.

Нико Шлоттербекка "Бавария", "Барселона" ва "Ливерпуль" клублари ҳам даъвогарлик қилмоқда. Музокаралар январь ойида бўлиб ўтиши эҳтимолдан холи эмас.