Dortmundning "Borussiya" klubi markaziy himoyachisi Niko Shlotterbekka top-klublardan qiziqish bo‘lmoqda.

26 yoshli futbolchiga da’vogarlardan biri sifatida bir necha oydan buyon Madridning "Real" klubi tilga olinmoqda. Yaqinda "qaymoqranglilar" og‘ir jarohat olgan Eder Militaoni yana uzoq muddatga yo‘qotishdi, shu munosabat bilan klub himoya markaziga kuchaytiruvchi izlash bilan yanada ko‘proq shug‘ullanmoqda. Bundan xabar topgan "Borussiya" klubi Shlotterbekning narxini 60 mln yevrogacha oshirdi, deb xabar beradi Defensa Central. Futbolchining shartnomasi bir yarim yildan so‘ng tugaydi, ammo "asalarilar" rahbariyati shartnomani uzaytirishga umid qilmoqda.

Niko Shlotterbekka "Bavariya", "Barselona" va "Liverpul" klublari ham da’vogarlik qilmoqda. Muzokaralar yanvar oyida bo‘lib o‘tishi ehtimoldan xoli emas.