"Ливерпуль" бош мураббийи бўлиб ишлаётган нидерландиялик мутахассис Арне Слот жамоанинг юлдуз ҳужумчиси Муҳаммад Салоҳ ҳақида фикр билдирди.
"Бугун бизда суҳбат бўлади. Унинг натижаларидан кейин нима бўлиши маълум бўлади. Юзага келган вазиятга иккимиз баҳо беришимиз керак. Бу борада бошқа ҳеч нарса дея олмайман", - дея мутахассиснинг сўзларини келтиради Liverpool Echo.
33 ёшли мисрлик "Ливерпуль" сафида 2017 йилнинг ёзидан буён тўп тепиб келмоқда. Ҳужумчининг "қизиллар" билан меҳнат шартномаси 2027 йилнинг июнь ойи охиригача мўлжалланган. Футболчининг бозор нархи 30 миллион еврога баҳоланмоқда.
