11 июндан 19 июлга қадар АҚШ, Мексика ва Канадада бўлиб ўтадиган футбол бўйича жаҳон чемпионати гуруҳ босқичи ўйинларининг чипта нархлари маълум бўлди. Чипталар белгиланган нархда сотилган аввалги турнирлардан фарқли ўлароқ, бу сафар нархлар иштирокчи жамоаларнинг тахминий машҳурлигидан келиб чиққан ҳолда белгиланади.

Аслида, бу 72 та ўйиннинг тўртта жозибадорлик даражасига бўлинишига олиб келди. Энг қиммат даражадаги чипталар 700, 500 ёки 265 долларга тушади; энг арзон - 450, 380 ва 140 доллар.

Қарор ўта салбий реакцияга учради ва "катта хиёнат" ва "мухлислар юзига тупуриш" деб баҳоланди. Европа футбол ишқибозлари ассоциацияси ФИФАни чипта сотиш жараёнини тўхтатишга ва нарх сиёсатини қайта кўриб чиқишга чақирди.

"Жаҳон чемпионатлари тарихида биринчи марта гуруҳ босқичидаги барча ўйинлар учун ягона нарх бўлмайди. Бунинг ўрнига, ФИФА ўйиннинг тахминий жозибадорлиги каби ноаниқ мезонларга қараб ўзгарувчан нарх сиёсатини жорий этади.

Турли терма жамоалар мухлислари ФИФА томонидан қўлланиладиган нархлар тизимида шаффофлик бўлмаган ҳолда, турнирнинг бир босқичида бир тоифа учун турли нархларни тўлашга мажбур бўлади", - дея BBC ассоциацияси баёнотидан иқтибос келтиради.