11 iyundan 19 iyulga qadar AQSH, Meksika va Kanadada bo‘lib o‘tadigan futbol bo‘yicha jahon chempionati guruh bosqichi o‘yinlarining chipta narxlari ma’lum bo‘ldi. Chiptalar belgilangan narxda sotilgan avvalgi turnirlardan farqli o‘laroq, bu safar narxlar ishtirokchi jamoalarning taxminiy mashhurligidan kelib chiqqan holda belgilanadi.

Aslida, bu 72 ta o‘yinning to‘rtta jozibadorlik darajasiga bo‘linishiga olib keldi. Eng qimmat darajadagi chiptalar 700, 500 yoki 265 dollarga tushadi; eng arzon - 450, 380 va 140 dollar.

Qaror o‘ta salbiy reaksiyaga uchradi va "katta xiyonat" va "muxlislar yuziga tupurish" deb baholandi. Yevropa futbol ishqibozlari assosiasiyasi FIFAni chipta sotish jarayonini to‘xtatishga va narx siyosatini qayta ko‘rib chiqishga chaqirdi.

"Jahon chempionatlari tarixida birinchi marta guruh bosqichidagi barcha o‘yinlar uchun yagona narx bo‘lmaydi. Buning o‘rniga, FIFA o‘yinning taxminiy jozibadorligi kabi noaniq mezonlarga qarab o‘zgaruvchan narx siyosatini joriy etadi.

Turli terma jamoalar muxlislari FIFA tomonidan qo‘llaniladigan narxlar tizimida shaffoflik bo‘lmagan holda, turnirning bir bosqichida bir toifa uchun turli narxlarni to‘lashga majbur bo‘ladi", - deya BBC assosiasiyasi bayonotidan iqtibos keltiradi.