"Астон Вилла" ҳужумкор ярим ҳимоячиси Харви Эллиотт муддатидан аввал "Ливерпул"га қайтадиган бўлди. Бу ҳақда TEAMtalk хабар бермоқда.
Манбага кўра, "Астон Вилла" "Ливерпуль" билан боғланиб, январь ойида Эллиоттни ортга қайтариш ниятида эканини маълум қилган. Бирмингем клуби 22 ёшли хавбекни 40 миллион эвазига сотиб олиш опциясини фаоллаштирмайди. Манбага ишонадиган бўлсак, мерсисайдликлар Элиоттни янги ижарага юборишмайди, ундан Муҳаммад Салоҳ ўрнига фойдаланишмоқчи.
Жорий мавсумда Эллиот "Астон Вилла" сафида бор йўғи 5 та ўйинда майдонга тушди ва 1 та гол уришга эришди. Қўшимча қилиш жоиз, ярим ҳимоячининг "Ливерпуль" билан шартномаси 2027 йилнинг ёзигача мўлжалланган.
